ລັດ​ຖະ​ມົນ​ຕີ​ການ​ຄ້າ​ສະ​ຫະ​ລັດ​ກ່າວ​ເຕືອນ​ຕໍ່​ການ​ເຊື່ອ​ຖື​ເກີນ​ຂອບ​ເຂດ​ການ​ຫ້າມ ແລະ​ການ​ລົງ​ໂທດ

ລັດຖະມົນຕີການຄ້າສະຫະລັດ ທ່ານ Gina Raimondo ເນັ້ນໜັກໃນການໃຫ້ສໍາພາດກັບສື່ມວນຊົນວ່າ ສະຫະລັດຄວນສຸມໃສ່ການລົງທຶນທາງດ້ານນະວັດຕະກໍາພາຍໃນປະເທດຫຼາຍກວ່າການວາງຂໍ້ຫ້າມ ແລະມາດຕະການລົງໂທດ. ທ່ານ​ນາງ​ກ່າວ​ວ່າ, ​ເຖິງ​ແມ່ນ​ວ່າ "ກົດໝາຍ​ວ່າ​ດ້ວຍ​ຊິບ​ແລະ​ວິ​ທະ​ຍາ​ສາດ" ທີ່​ໄດ້​ຈັດ​ຕັ້ງ​ປະຕິບັດ​ໂດຍ​ບໍລິຫານ Biden ​ໄດ້​ເຮັດ​ໃຫ້​ສະຫະລັດ​ລົງທຶນ​ໃນ​ການ​ກໍ່ສ້າງ​ພື້ນຖານ​ໂຄງ​ລ່າງ​ຊິບ​ຫຼາຍກວ່າ 28 ປີ​ທີ່​ຜ່ານ​ມາ​ລວມກັນ, ​ແຕ່​ນີ້​ບໍ່​ສຳຄັນ​ກວ່າ​ການ​ຄວບ​ຄຸມ​ການ​ສົ່ງ​ອອກ. ພ້ອມ​ກັນ​ນັ້ນ, ທ່ານ​ນາງ​ຍັງ​ຊີ້​ອອກ​ວ່າ, ​ເຖິງ​ວ່າ​ລັດຖະບານ​ອາ​ເມ​ລິ​ກາ​ໄດ້​ປະຕິບັດ​ມາດ​ຕະການ​ຄວບ​ຄຸມ​ການ​ສົ່ງ​ອອກ​ຂອງ​ບໍລິສັດ​ຈີນ​ຫຼາຍ​ແຫ່ງ, ​ແຕ່​ບໍລິສັດ​ເຫຼົ່າ​ນີ້​ຍັງ​ສາມາດ​ໄດ້​ຮັບ​ຊິບ​ຜ່ານ​ຊ່ອງ​ທາງ​ທີ່​ບໍ່​ເປັນ​ທາງ​ການ.